Kiphire nung election atema renemshir

Dimapur, Tsüklai 02 (TYO): Assembly Constituency ana (59 AC aser 60 AC) aliba Kiphire district indang Expenditure Observer, Dr. S. Periyanna, IRS-i Deputy Commissioner & District Election Officer, Kiphire, Mohammed Ali Shihab, IAS, ADC & RO for 60 AC, Kumar Ramnikant, IAS aser ADC & RO for 59 AC, Nchumbemo, NCS nunger densema Flying Squad, Static Surveillance Team, Video Surveillance Team, Video Viewing Team, Media Certification & Monitoring Committee, Control Room amala expenditure monitoring team tem inyakyim semdanga jajaogo.
Iba sentong magi tsüngta Observer-i Excise Department, Income Tax Department, police Department amala stakeholder tem Election Expenditure Monitoring nung alirtem den sensaksem lia telok ajunga nem training balala agütsü. District Administration ajanga Kiphire nung team ajak activate sütsü aser taruba General Election atema Election Expenditure Monitoring dak sendakba maparen ajak tenzükogo, ta sangdong ka ajanga metetdaktsü.