Kiphire nung jana intokba trucks agutsü

Dimapur, April 03 (TYO): Swaach Bharat Mission (SBM) kübok Urban Development Department-i Kiphire Town Ward Sanitation Committee nem Garbage Truck (Tata Mobile Pickup) agutsüba sentong ka March 28, 2017 nü Hopongkiu Memorial Hall, Kiphire nung agiogo.
Tetushi tejaoker o jembidang SBM, Kiphire Brand Ambassador, Alobo Naga-i, Northeast nung temerüktiba tesem, Gangtok, Sikkim tatishitsü amshia jembi. Pai Kiphire nüburtem dang jila merüka ayutsü aser Nagaland nung temerüktiba tesem kümdaktsütsü ayongzüka liasü.
ADC aser Administrator Kiphire Town Council, Dr. Tinojongshi-i okila jembia liasü. Iba sentong ya Wangan, EAC Longmatra leniba nung agi aser Sepithrong, Secretary DC Ward Kiphire-i tepela anküp o jembia liasü.