Kiphire nung melitetter Yimchungertem tangalen yutsütsü

Kohima, May 23 (TYO) : Kiphire town nung lendong timtem atalokba ajanga Yimchunger sorkar tenzükertem shirnokisa Kiphire nung meliteti tesem balala nung jenoka ali, parnokji tensa tajungba maküm tashi khen atema Kiphire nungi pilar tanga tesemtem nung inyaka atatsüsa pei pei departmenti repranga inyakang ta state sorkar osang ka Home Department General Administration Branch-I ajanga metetdaktsüogo.
Ano, pension agirtema pei pei bank account ajanga Kihpire nungi pilar tesem balala nung aliba Government Treasury nungi agitettsü ta kasa sorkar sangdong ajanga metetdaktsüogo.