Kiphire nung PMUY kübok LPG agutsü

Kiphire, Rongjui/September 26 (TYO): Rongjui/September 26, 2018 nü Pradhan Mantri Ujjwala Yojana scheme kübok Kiphire district nung nisung 200 nem LPG lema agutsüogo, ta ketdangsertem osang ka ajanga metetdaktsü.
Iba scheme ya below poverty line (bpl) kübok alir tetsürtem atema 2016 küm Monupii/May ita nung tenzüka liasü, aser iba scheme nükjidong ya tetsürtem nem tashi agitsütsü aser mokozü ajanga temang nung timtem madokdaktsütsü atema lir.
LPG lema agutsüba sentong nung Kiphire Deputy Commissioner, Mohammed Ali Shihab-i parnok dang ibaji mayoktsüla, kechiyong iba scheme kübok Central sorkari angati agutsüba lir, ta ashi.
Paisa, tarutsü nunga ano LPGs aika lema agutsütsü, ta metetdaktsü.