Kiphire nung tanur shibelenba nungi jenbutsü workshop ayongzük

Dimapur, Chiteni/July 29 (TYO): District Administration ajanga NCPCR, SCPCR, District Child Protection Unit, Mission Shakti den lungjemer Deputy Commissioner, Kiphire indang Conference Hall nung July 26, 2024 nü “Preventing & Combating Child Trafficking” indang workshop  yongzüka liasü.

Iba workshop nung shisalen sayur ya Tongpang L Jamir, Advocate, Guwahati High Court Kohima Bench liasü. Iba sentong ya National Commission of Protection of Child Rights aser Kiphire indang District Administration ajanga BetiBachaoBetiPadhao, Mission Shakti DHEW, SAMPOORNATA Abhiyan, Child Helpline Kiphire aser Sakhi One Stop Centre den lungjemer ayongzüka liasü.

ADC Kiphire, D.Robin, NCS ajanga pela agizükba o jembi aser Vithalietuo Kire, UBI Officer-in-Charge, Kiphire Police Station ajanga o tatsüka jembi aser CHI DCPU ajanga report agütsüba sülen House Discussion agia liasü.

Iba workshop nung Tsosing, Councillor OSC menden liasü aser N.S.Khaikho, District Child  Protection Officer (DCPO), Kiphire ajanga melepzüng o jembi.