Kiphire nung World Anti Rabies Day ayonga kaogo

Kiphire, Mongputeni/October 04 (TYO): Alima tanungba den külemi liromedema, Mongputeni/October 4, 2018 nü Department of Animal Husbandry & Veterinary Services, Kiphire-i World Animals Day anogomung nungtem nung Anti Rabies Day sentong ka ayonga kaogo.
Kiphire district kübok Veterinary Hospital nung anepdang 7:00 ako nungi tenzüka kidang metsüba shiruru nem angati anti rabies Vaccin aguja liasü.
Iba sentong nung Chief Veterinary Officer, Kiphire, Dr. H. Toluvi Ayemi-i o jembiba mapang, alima ajunga aser Kiphire district nung aliba nüburtem nem rabies tekümdangtsü agütsüba den külemi loktitem longjema iba tashidak azüoktsü aser nokdangtsü asoshi World Rabies anogo ya Global Health den külemi lokteper agir ta metetdaktsü.
Rabies tashidak agi Meimchir aser shiruru tem kongshiba dak sendakba nung Dr. H.Tulovi-i iba tashidak takok tashi meranga azüoktsü tetuyuba agütsü.