Kipili-i law azüngertem dang kanga junga angateta azüngtsü ayongzük

Kohima, November 18 (TYO) : Power Minister, C. Kipili Sangtam-i tanü law azüngertem dang subject kanga junga angatettsü aser loktiliba asoshi mapa tajung inyaktsü ayongzük.
Kohima Law College Students’ Union (KLCSU) indang 36 buba annual parting social nung jembidang Kipili-i iba olen ashi.
Iba sentong ya Red Cross Complex, Kohima nung agi aser Kipili-i, law students aser practitioners dang pei tebilemtsü khuret angatettsü aser takok ngua mapa inyaktsü ayongzük.
Paisa, iba anogomung nung KLCSU magazine sayatsü.
Sentong nung Kohima Law College Principal, Visevonuo P. Pienyu-i o jembidang ashiba agi, Kohima Law College ya 1979 küm lapok aser Nagaland nung law college tejentibaji iba ya lir.
Laisa ashiba agi, Kohima Law College lapokba sülen nungi lawyers tajung aika anitetogo aser college ajanga legal education tajungtiba agütsür.
“Nagaland state nung law college ka danga mali anungji state sorkari law college lapoktsüla. Talisa, Nagaland University (NU) nunga law department mali, ajisüaka tanü asenoki legal shisatsü kanga nüngdaker,” ta KLCSU president, Laknyei Phom-ia tir o jembidang ashi.
Sentong nung mendenji Sepikyu J. Sangtam liasü, Limkhushi-i temoatsü meshia sarasadem, Baman aser Aseno nati ken ka aten, Kohima Law College Evangelical Union-i tepila ken aten aser Hikavi H. Kinimi-i anküp tepela o jembi.