Kiralongrar 10 India telungi aittsü akok: Bangladesh

Delhi, July 10 (Agencies): Bangladesh sorkari India dang kiralongrar 10 shi arrtsü adena ner linük telungi aittsü akok, ta tekümdangtsü osang ka metetdaktsüogo.
Osang ajanga angazükba agi, Bangladesh-i temulung melemi aliba kiralongrartem tenüngji India nem agütsüogo.
Ano külen, India arrtsülen aliba security agency tem nema iba osang den kiralongrartem noksaji agütsüogo.
Kiralongrartemji Bangladesh, Dhaka amakertem den tesentaktep alitsü südi ta bilemer.
July ita mezüngnü kiralongrartemi Dhaka nung aliba Holey Artisan Bakery amakdang bendanger 17 aser police ana densema nisung 22 tepset.
Kasa tatalokba nung tanünübuba, July 2 nü security sepaitemi kiralongrartema parnok trok tepset.
Iba sülen July 7 nüa kiralongrartemi bomb aser nok amshia Bangladesh nung Eid benjung atema adenshia alirtem amakdang police ana densema nisung pezü tepseta liasü.