Kiralongrar 200 dak tema linük telungi aittsü renema lir: Army

Jammu, July 04 (Agencies):  Jammu & Kashmir telungi aittsü atema Line of Control (LoC) nung kiralongrar 200 shi renema lir, ta tanü army ketdangser kati metetdaktsü.
16 corps nung General officer Commanding (GoC), Lt Gen RR Nimbhorkar-i, “Parnok indang osang tejangjabo meshitettsü ajisüaka, parnok inyakyim aser security agency balala osang apir, parnokji 200 dak tema asütsü ta asadangteter,” ta metetdaktsü.
Paisa, “Kiralongrartemji launch pads-i arur, telungi aittsü meranger aser tepsetdaktsür. Security grid second tier aser third tier nung parnok aika tepsetdaktsür aser kar dang telungi aitteter,” ta ashi.
Ajisüaka kiralongrartem nokdangtsü atema army tem junga renema lir aser security grid akhangshiogo, ta paisa ashi.
GoC-i ashiba agi, kiralongrartemi mapang ajak nung tashimait repranga atar aser tashimait repangtetdang amaktsü meranger.
“Kodangsa kiralongrartemi maongka ngudir aser tashimait reprangtetdir parnoki amaktsü meranger. Onok tashimait masü, yangi onok anüktsü atema lir, aser ibaji inyaktsü atema tashi ajak agi meranger,” ta paisa shisem.