Kiralongrartemi Afghan amakba aitsür: India

New Delhi, October 19 (Agencies): Kiralongrartemi bomb aika amshia Afghanistan, Kandahar province kübok Maiwand district nung aliba military base amakdang tajemba agi nisung 43 asü aser nisung teku yiru, aser iba tatalokba sülen Brihostibarnü India-i kiralongrartemi amakbaji aitsü.
Ministry of External Affairs otongdar, Raveesh Kumar-i sangdong ka ajanga, “Tanü kiralongrartemi Kandahar province kübok Afghan National Army base amakbaji onoki sashia aitsür. Paktia aser Ghazni na nung atalokba den mesüktepa tanüa kiralongra lendong nung mangyimer kibongtem aser Afghan nunger den onoki mangyim tejashi lemsateper,” ta metetdaktsü.
Afghanistan sorkar nungita MEA-i, “Iba ama mangyim mapang nung India-i Afghanistan sorkar aser nüburtem den tejashi lemsateper,” ta metetdaktsü.
Ministry-isa, Afghanistan nung tesünep atema kanga meranga inyakba ajanga teimla ka-aka tawa-tanü Afghanistan anema kiralongra bulua akumba atema tebilemtsü akar, ta ashi.