Kiralongrartemi amakba noktangtsü asoshi junga renema lir: Kolkata Police

Kolkata, July 30 (Agencies): Kiralongrartemi Punjab nung Gurdaspur district amakba dak sentakba nung Brihostibar nü Kolkata Police tongti ketdangser kati, iba ama amakba nokdangtsü asoshi police kanga junga renema lir, ta metetdaktsü.

“Iba yimti nung ozü sepaitemi kiralongrartemi amaktsü aliba nokdangtettsü,” ta Kolkata Police tongti ketdangser kati ashi.

Hombar nü Gurdaspur amakba sülen yimti aser temeket nung security kanga junga akhangshiogo.

Paisa, “Onok police ajema lir. Ajisüaka kiralongrartemi amakba tensa azüoktettsü asoshi onoki koka lir. Tensa ajak azüoktettsüsa onoki melung lema lir. Ozü sepai, ozü ketdangsertem ajak training junga agibatem lir. Onoki iba den ya raratettsü,” ta ashi.

Tang Kolkata police 27,000 lir aser iba nungji Green Police aser Home Guards 2000 shi densema lir.

Iba dak alia Rapid Action Force, Commando tem, Special Action Force (SAF), High Radio Flying Squad (HRFS) aser Radio Flying Squad (RFS) unit tem lir.

“Mumbai amakba sülen yimti tulu aika nung iba ama elite force tem tentettsü tenzüka liasü. Atangji nung union home ministry-i city police units ajak nung specialised units lidaktsüner,” ta pai ashi.

Madhyagram aser Rajarhat nung National Security Guard (NSG) aliba ya Kolkata Police asoshi nümadangtsü ka lir, ta paisa shisem.