Kiran Bedi-i Puducherry Lt Governor menden toktsütsü

Puducherry, January 08 (Agencies): Puducherry nung Congress-i aniba sorkar den mangatettep aliba mapang ka nung Puducherry Lieutenant Governor, Kiran Bedi-i, sangküm May ita lai la menden toktsütsü, ta sangdongogo.
“Ni Puducherry nung küm ana abensaba mapang, 2018 May ita 29 nü ni office toktsütsü,” ta Bedi-i osangbenertem dang metetdaktsü.
Congress MLA temi Centre sorkar dang, Chief Minister V. Narayanasamy-i agutsüba tetuyuba ka Bedi-i thitsübaji reprangshidaktsüner, ta metetdaktsüba sülen Bedi-i la menden nungi anentsü osang ya sangdongogo.
Official tongtepratep osangtem Facebook aser WhatsApp nung mamshitsü atema chief minister-i notification ka agüja liasü, saka Brihostibarnü Bedi-i ibaji ashishia, “Puducherry ji UT nung terenlok kanüra, communications tamajungba mekümdaktsütsüla. Anungji @CM_ Puducherry tetuyubaji thitsür:@PMOIndia,” ta twitter ajanga metetdakja liasü.
BJP lenir aser taoba mapang IPS officer Bedi ya yaküm May ita nung Lieutenant Governor shima liasü.