Kiran Bedi kinungbo Brij Bedi Deobar süogo

Gurgaon, Jan. 31 (Agencies): India nung mezüngbuba tetsür IPS officer Kiran Bedi kinungbo Brij Bedi mapang tatsüka shiranga aruba sülen Deobarnü mozüki ka nung süogo, ta doctor temi metetdaktsü.
January 28 nü Brij Bedi ji Gurgaon nung aliba Medanta – The Medicity hospital nung anepalutsü anioka liasü.
Pa tezüngjang aser tango sashiba nung timtem adokba atema mozükidang aniok aser pa temang tamajungba akümba ajanga ICU-i nung anepalu. Tanü 11:00 ako meta pa asü, ta doctor temi metetdaktsü.
Asür Bedi ji photographer aser social activist ka liasü aser pai Amritsar nung tangar memenepba tanurtem atema school ka lapoka liasü.
“Amritsar yimti kanga meimer ka süogo. Nüngdakbapurtem asoshi bendanga agüja yarir ka süogo. Pai inyakba mapa tajungji onoki maneni inyaktsü” ta kinungtsü Kiran-i Twitter ajanga metetdaktsü.
“Pai par yimti Amritsar kanga meim. Mozü achir tanurtem pai kanga meima kaket shisatsü agütsü. Punjab nung ozüngi memelaba mozü achiba khuret atema pai kanga süoki bilemtsü” ta Kiran-isa metetdaktsü.
Kiran Bedi ya social activist Anna Hazare’er telok nung züngsem ka liasü aser 2015 Delhi assembly elections mapang la ya BJP chief minister candidate liasü.