Kiran Bedi Puducherry Lt Gov. atema tenangzükba agiogo

Kiran Bedi Puducherry Lt Gov.  atema tenangzükba agiogo

Taoba mapang IPS officer aser BJP lenir, Kiran Bedi Puducherry Lt Governor atema tenangzükba agidang tangokba noksa ka angur.

New Delhi, May 29 (Agencies): BJP lenir aser taoba mapang IPS officer, Kiran Bedi Deobarnü Puducherry Lieutenant Governor inyaktsü atema tenangzükba agiogo.
Puducherry Lt Govenor atema la May 22 nü shima liasü.
Puducherry Lt Governor menden ya 2014 küm July ita nungi tazüng liasü. Lai Lieutenant General (retired) Ajay Kumar Singh melenzüker, kechiyong iba menden ya Andaman and Nicobar islands Lt Governor Singh-i repsema bena liasü.
Tamalen Kiran Bedi-i, “Aluyimba, shisaliok, tourism, anema alibaren, industry aser tetsürtem atema inyakba densema lenla ajaklen ainba Puducherry nung inyaktsü yongyar. Lenla ajak nung Puducherry azükarua aintsüji kü mangdang,” ta jembia liasü.
Puducherry Chief Minister atema Congress-i Narayanaswamy shimba osang yashi sangdonga liasü, aser pai sorkar akumtsü atema May 30 nü Lt. Governor, Kiran Bedi ajurua temelaba meshitsü.
2014 küm  July ita nung Veerendra Kataria-i Lt Governor menden toktsüba sülen nungi iba menden ya tazüng liasü.
Bedi ya 1972 küm tetsür rongnung mezüng IPS ketdangser akum aser la küm 35 sorkar tenzükba sülen 2007 küm Director General, Bureau of Police Research & Development teinyaktak lia voluntary anisüngzük.
2015 küm la BJP nung aden aser kasa küm nungsa la BJP Chief Minister candidate shima Delhi Assembly election nung toktep saka lai AAP candidate, SK Bagga matsüngdang tamakok ngua liasü.

You must be logged in to post a comment Login