Kiren Rijiju Sports Minister shim

Guwahati, May 31 (Agencies): Taoba union minister of state for home affairs, Kiren Rijiju tanü Modi’er cabinet nung sports minister inyaktsü shimogo.
Pai taoba sports minister Rajyavardhan Singh Rathore melenzüker. Rijiju nemsa minister of state for minority affairs repsema inyaktsü mapa lemzüktsüogo.
“PM Narendra Modi-i kü dak temolung lema, par council of ministers nung züngokba atema kangasa pelar. Amit Shah den külemi karyakartas aser India nung temeimertem ajak dang kanga pelar” ta Rijiju-i Twitter nung metetdaktsü.
“Kü atema lenisüba ya tashi mesüra maongka masü, saka iba ya tebilemtsü abenba lir” ta paisa shisem.
Indian Olympic Association (IOA) aser All India Football Federation (AIFF) teloktemia Rijiju Sports Minister shimba atema pelaba osangtem metetdaktsü.
“Kiren Rijiju Minister of State for Youth Affairs and Sports Ministry inyaktsü shimba atema tepela osang lemsateper” ta Indian Olympic Association-i ashi.
“Minister of State (Independent Charge) of the Sports Ministry inyaktsü shimba atema Kiren Rijiju nem tenüngsang agütsür. India ya saisapongba linük tajung ka kümdaktsü atema külemi inyaktsü yongya atar” ta AIFF-ia Twitter nung metetdaktsü.
Arishi küm 47 tain Rijiju ya Northeast nung BJP indang tamaitsü ama lir aser pai taoba NDA sorkar nung Minister of state for home affairs inyak.
Lok Sabha Elections 2019 nung pai Arunachal West menden nungi takok angu. Iba consecutive nungi pai kümsük ana atongtepa takok nguogo.
Taküm election nung Rijiju-i votes 1,67,132 agi Congress candidate aser taoba chief minister Nabam Tuki madak takok angu.