Kiruphema & Tiema-Khe na 4 buba Kohima Volleyball champions kümogo

Kohima, November 18 (TYO): Kiruphema Youth Organisation teloki final asaya koka, 4 buba Kohima District Volleyball Tournament tebur champions aser Tiema-Khe Kidima teloki tetsür takok marok agizüka, champions telok tanü, Hokolbar nü kümogo.
Kohima District Volleyball Association (KDVA)-i ayonga asayaba asayamong final nung Kiruphema teloki Zenith Club Kezo Town telok tsükdaktsü.
Kiruphema teloki takok marok o kulikaket den senpet sen 30,000 aser Zenith telokia tanabuba jenjang takok marok o kulikaket den senpet sen 20,000 agizük.
Tebur shilem nung Kiruphema asayar, Kethovikho Zenyu aser Zenith asayar, Kedichol Pucho na Best Setter aser Best Spiker asayar shima liasü.
Tiema-khe tsürtemia Mystic Club Naga Hospital Colony telok final asaya nung tsükdakja champions aküm.
Par teloki takok marok o kulikaket den senpet sen 20,000 aser Mystic teloki tanabuba jenjang takok marok o kulikaket den senpet sen 10,000 agizük.
Tetsür individual shilem nung Mystic asayar, Nzanbeni Best Spiker aser Tiema-khe asayar, Nohovinü Zecho Best Setter shima liasü.
Individual shilem nung takok angur asayar ajunga nem senpet sen 2000 den kulikaket agütsüba osang jangjaogo.
Semifinal asaya nung tsüker telok shia nema senpet sen 5000 agütsüba osang angazükogo.
Asayamong shibangba sentong nung Commanding Officer, 3rd Assam Rifles, Col. Jagdeep Bhogal tetushi tejaoker liasü aser Major M. Ragavendran-i takoker nem sempet/senpet agüja liasü.