Kisama nung Boynau-i mi amshia tsüngsanga sayu

Kisama, Luchii/December 09, 2019 (TYO): Tesüiba anogo asem tashi Kisama nung Manipur nunger Boynau Sau-i mi amshia tsüngsangba yimyatem sayua tereprangertem jangratemdakja arudar, ta sangdong ka ajanga metetdakja liasü.
Osang ajanga angazükba agi, Sau ya Bangalore nung aliba mapang, ‘mediation’ ajanga pai mi amshia tsüngsangtsü ajungmeso.
Küm pungu tashi pai tesem balala sema senzüogo aser taküm Hornbill festival sentong nung pai tasembenbuba shilem agidar.
Sau-i küm 12 tashi mapa inyaka liasü aser ibaji toktsüba atema pai kecha sasa mebilemer. Sau-i ashiba agi, ni mi amshia tsüngsangba ajanga nübur peladaktsüner.