Kisan Credit Card atema saturation drive tenzükogo

Dimapur, Rongchii/April 22 (TYO): PM Kisan teyari angur ajak awajemtsü asoshi Government of India ajanga February 6, 2020 nung Kisan Credit Card indang saturation drive ka tenzüka lir.

Iba drive ya KCC kübok aluyimer tali timba awajemtsü mechi Atmanirbhar Bharat indang shilem ka kumdaktsü.

Tawa Government of India ajanga KCC densema scheme balala nungi aluyimer teyari anguba nung yariteptsü nükjidong nung “Kisan Bhagidari Prathmikta Hamari” nüngja agütsür campaign ka tenzüktsü telemtetba agiogo.

Kisan Bhagidari Prathmikta Hamari kübok tang tagidak saturation drive mapang anüngzüka aliba aluyimer nem KCC agütsütsü asoshi April 24, 2022 nungi May 1, 2022 tashi sprint campaign ka agitsü lemteta lir.

Iba campaign nükjidong ya PMJDY programme indang social security schemes (PMSBY/PMJJBY/APY) kübok temsüa aliba aluyimer ajak awajemtsü lir.

Department of Panchayati Raj ajanga April 24, 2022 nü Gram Panchayats ajak nung Gram Sabha balaka ayongzüktsü aser yangji Ato Kilonseri jembitsü.

Anungji district nung iba campaign ya April 24, 2022 nü tenzüktsü lemtetogo.

Anungji temsüa aliba aluyimer, talisa PM Kisan teyari agirtem dang anasatiba Bank Branches nun goa KCC scheme aser danga social security scheme tem asoshi apply asütsü ajungshir.

Iba dak sendakba nung tali tejangjaba metettsü asoshi LDM, Mokokchung aser DDM, NABARD, Mokokchung den tongteprateptsü akok.