Kiset shiruru metsüba atema saru agitsü

New Delhi, October 24 (Agencies): Punjab sorkari kidang kiset shiruru metsürtem atema saru tasen ka benoktsü.
State sorkar sangdong ka ajanga ashiba agi, kiset shiruru-danü, azü, ak, kor, jang aser nashi ajak atema saru agitsü.
Iba sangdong ya Department of Local Administration-i metetdaktsü koba nung state minister Navjot Singh Siddhu tekolakba lir.
Iba tetuyuba nung Punjab nung alirtem shirnoki pei kidang kiset shiruru, azü, danü, ak, san, mesü amala metsür parnok dang küm nung saru sen 250 meshitsü, aser jang, nashipongchi, ud, kor, nashi, shiti amala metsürtem dang küm nung saru sen 500 meshitsü, ta züngzükja lir.
Kasa sangdong ajangasa ashiba agi, ‘branding code’ ka, temaitsü mesüra number dena shiruru shia nem agütsütsü. Shirurutem dak ya microchip ka inoktsütsü. Maneni kiset shiruru kiburtemi ketdangsertem ket nungi licence ka agizüktsü nüngdaker koba kümshia renew asütsüla.