Kit Harington-i Rose Leslie den kibong akümtsü

London, Monupii (May) 26 (Agencies): Actor Kit Harington-i June 23 nü “Game of Thrones” den külemi shilem agiba actress Rose Leslie den kibong akümtsü.
Kit aser Rose na ya 2012 küm “Game of Thrones” series nung shilem agidang mezüng ajurutep. Iba TV series nung Kit-i Jon Snow aser Rose-i Ygritte shilem agir. Tena yaküm September ita ani asüngtepa liasü.
Aberdeenshire nung aliba Huntly registration office nung June 23 anogo metetdakja lir. Rose tebu councillor Seb Leslie-i par West Garioch constituency nung castle ka alizüka lir, ta bbc.com ajanga metetdaktsü.
Tena Scotland nung kiyimba sentongji agitsü. Rose-i “Game of Thrones” nung shilem agiba sülen küm ana lir toktsü saka Kit bo iba series nung maneni tongtipang shilem agidar.
Iceland nung hopta asem tashi TV series menüngokbaji pa atema mapang tajungtiba liasü ta Kit-i ashi.
“Iceland linük tobur kanga tajung, aser Northern Lights kanga jangratemtsüka lir. Idakji ni la den meimtep” ta paisa shisem.