Kiyimba benjung atema sen lakh 5 agizüktettsü ta asübaji tiyazü

Dimapur, November 15 (TYO) : Deputy Commissioner of Police (DCP) kati kiyimba sentong indang kuli agütsüba sülen sen Lakh 5 agizüktettsü ta osang kar prokshibaji tiyazü lir, ta Dimapur Police-i metetdaktsü.
Sorkari senpak 500 aser 1000 agienba sülen, iba tiyazü osang ya prokshir saka iba telemtetba agia mali. Iba osang ya tiyazü lir, anungji nübortemi iba olulu meprokshitsü metetdaktsür, aser aibelenertem ozüng tapet kübok temerenshi alitsü, ta Addl. Dy Commissioner of Police/PRO-i sangdong ka nung metetdaktsü.