Kiyimdang tanela kanga ajungmeso: Anne Hathaway

Anne HathawaySeptember 11, 2015: Actress Anne Hathaway-i, la ki ayimba mapang la tanela kanga ajungmeso, ta ashi.

Arishi küm 32 tain, Anne aser Adam Schulman na 2012 küm kibong küma liasü. Tena kibong maküm dang küm pezü tashi külemi liasü anungji temeshi kiyimba mapang kecha balaka masütsü amai lai bilema liasü, ta femalefirst.co.uk-i metetdaktsü.

“Ki ayimdang shiti tila ka nung pei maitsü ajenoktsürbo ojang ta bilem saka temulungjang nung ajungmesoba tanela ka aruba ajanga ni kanga aoksaa liasü. Küna küm talangka külemi lia arurji kecha balaka masütsü ta nibo bilema liasü,” ta lai ashi.

“Ajisüaka kü tanela ajanga iba tebilembatem ainshidaktsü aser ajungmesoba tanela ka ait. Ki ayim nü iba tanela jagi sünga liasü,” ta Anne-i Glamour magazine dang ashi.

You must be logged in to post a comment Login