KK kena külemi ken ka sayatsü: Arjun Nair

Oct 2, 2015: Arjun Nair ya India nunger A Capella, Beat Box aser Vocal Bass Band, Voctronica nung dena lir. Iba den külemi H-indie kentener telok Rang telok nunga kentener aser guitar atemer ka lir.

India nung Bass guitar tema kentener pa dang lir. ‘Kabhi kabhi aditi’ ken unplugged kümer atenba nung pa, A R Rahman aser Rashid Ali na dena külemi shilem agia liasü.

Arjun-i, “Ni ‘ken’ dang ‘tesem tasen sema jajaba,’ ta ajar. Asenok ajaki kenji pei pei tangatetba yari bushisüngdanga mejemer aser yanglur,” ta ashi.

Ano olasü tsütsü, pai, “Ni atenba ken angashir ajaki ken angadang langka tasen ka angashidaktsütsü meranga tebilemba tasen aika densem yanglur,” ta ashi.

Tan KK den lokteper ken ka sayatsü aliba maparen ajanga pa kanga pelar. Pai, “Iba ken ya ni zülua mejema yangluba lir aser iba ken nung KK-i kanga yariba ajanga ni kanga ajemasünga kümdaktsüogo,” ta ashi.

Sabang nung ken atenba mapang jangra atemer matemer ta asüngdangba mapang pai, “Sabangi kodang tudir temulung ajaki bendanga agüja shilem agitsüla, aser kodang telok den külemi shilem agidir nü tajungtiba agi shilem agitsüla koba ajanga telok tali ajungkettsü,” ta langzüa liasü.

Arjun-i teti ken asoshi pai ajak toktsüba bilemteter aser pai ken ajanga asen tebilemba sayur ta ashi.

Ken nungbo kodanga ajak metetogo ta mali, anogoshia tasen angazüktsü maongka angur, ta pai shisem.