KLBY Sports anogo takok nung tembangogo

Dimapur, September 30 (Agencies): Kohima Liangmai Baptist church youth Department-i ayongzüka September 30, 2017 nü 4th NAP Bn Ground Thizama nung annual Sports day ka kaogo. Iba asaya anogo ya Pastor N.Silubo Zeliang-i lapoktsü aser pai ashiba agi, tamangertem kati ka atema aria bilemtsüa, longjemtsüba atema iba amala asaya ya mapang mapangshia ayongzüktsüla
Iba asaya atema Alpha aser Omega, ta telok ana küma lemsar asaya. Football asaya tetsür aser tebur na prongla Alpha teloki koka liasü. Tetsür volley ball asaya nung Alpha teloki akok aser tebur volley ball asaya Omega teloki akok. Youth President Tanlungbo Newmai-i KLBY purnem ground amshidaktsüba atema 4th NAP Bn Thizama dang pelaba metetdaktsü. pai maneni züngsemtemi arua shilem tajung agiba atema parnok ajak den pelaba lemsatepa liasü.