KM Sanen luden senden jateper

L

Dimapur, Sept.30 (TYO) : Langpangkong Kaketshir Mongdang (LKM) sanen luden senden ka October 3, 2015 anepdang 10:00 ako nungi LKM conference hall nung akatsü, anungji LKM ketdangpurtem den Sanen luden züngsem, advisors, seniors aser LKM kübok unit president ajak medema arua adentsüla ta LKM sangdong ka ajanga metetdaktsüogo.

Iba senden nung aruya aliba LKM lokti senden aser asayamong sentong dak aketba indang onüktem jembitsü aser asaya balala nung asayatsü pur telok lemsatsü, anungji yimtsüng kaketshir telongjem shia nungi tir ajak medema arudaktsüner ta LKM sangdong ajangasa metetdaktsüogo.

Ano, yimtsüng shia nungi asaya yimya meteter nisung kaka tenüng shimer sendeni bener arudaktsüner ta kasa sangdong nung LKM tir Wb.Taliyanger Jamir aser tongti zülur Wb.Moatoshi nati metetdaktsüogo.