Kma aser Dmr nung ‘single use plastic’ mita aoer

Dimapur District Administration den police, DMC, GBs & DBs aser DCCI züngsemtemi Oc 4 nü New Market area, Dimapur nung single use plastic mita aoba angur. 

Dimapur, October 4 (TYO): October 4, 2019 nü Kohima District Task Force-i ajungbena jila nung single use plastic mita aodang dokan aika nung maneni amshiba putetogo.
Kohima District Task force nung district administration, department balala aser NGO tem nungi züngsemtem dena lir aser parnoki public nem single use plastic noktangba osang tali jangjadaktsütsü aser Kohima nung dokan kecha nunga single use plastic mamshidaktsütsü atema iba mapa inyak.

Parnoki tesem balala mita aodang paper bags lema agütsü. Iba mapang dokan aika nung single use plastic products ayokba angu saka tekümdangtsü o ashiba dak alaka dokan kiburtem dang senchi kecha machi.
Maneni, Dimapur nunga District Administration-i anir DMC, New Market area GBs & DBs aser DCCI züngsemtemi tanü single use plastic mita senzü.
Tanü parnoki New Market area, Dimapur nung aliba dokantem nungi single use plastic seret 40 shi puten aser ibaji DMC ket nung agütsü.