Kma DC-i Arms license atema sangdonger

Kohima, December 18, 2017 (TYO): Kohima Deputy Commissioner aser District Election Officer, Rajesh Soundararajan-i sangdong ka ajanga Kohima district kübok arms license alir ajak dang December 19, 2017 nungi tenzüka Janurary 5, 2018 anogo tashi nung pei arms license verification atema anasatiba police station-i bener aotsü metetdaktsüogo.
Iba anogo tashi nung license verification atema bener moura ozüng kübok tapet section nung ajemdaker item license(s) magila kümtsütsü, ta paisa metetdaktsü.
Taruba General Assembly Election 2018 nung ajemdaker iba sangdong ya agütsür, ta sangdong nungsa shia lir.