Kma DC-i Grade IV pur dang election duty atema sangdonger

Kohima, Tsüklai 10 (TYO): Tsüklai 10, 2018 nü Kohima Deputy Commissioner aser DEO, Rajesh Soundararajan, IAS-i sangdong ka ajanga, taruba Nagaland Legislative Assembly Election 2018 atema election duty lemzükja aliba Grade IV sorkar mapa inyakertem (employee) ajak dang election atema temetettsü kar metetdaktsütsü atema Tsüklai 13, 2018 anüngdang 11:00 ako nung Conference Hall of Deputy Commissioner, Kohima nung EAC (Dev.), I. Changsang ajurutsü atema metetdaktsüogo.
Iba dak sendakba nung Kohima Deputy Commissioner, Rajesh Soundararajan-isa, iba tetuyuba tashi mangartem nem representation of the People’s Act 1950 aser Conduct of Election Rules 1961 nung aliba ozüngtem nung ajemdaker temerenshi agutsütsü, ta metetdaktsü.