Kma district atema General Observer ana tonga aruogo

Kohima, Tsüklai 08 (TYO): Kohima Deputy Commissioner aser DEO, Rajesh Soundararajan, IAS-i, 13buba Nagaland Legislative Assembly Election 2018 General election dak sendakba nung Kohima district atema General Observer ana state tonga aruogo, ta metetdaktsü.
General Observer, Madhukar Agneya IAS-i 8 Western Angami A/C; 14th Southern Angami I A/C aser 15th Southern Angami II A/C reprangtsü aser contact number ji 8787376732 aser 9402053792 lir.
Ano General Observer, Amit Kataria IAS-i 9 Kohima Town A/C; 10 Northern Angami-I A/C; 11 Northern Angami-II A/C aser 12 Tseminyu A/C reprangtsü, aser contact number ji 7005928984 aser 9402053787 lir.
Anungji yimtenren party tem, candidate tem aser public-i election dak sendakba nüngdak balala atema item contact number ajanga General Observer ana den tongteprateptsü akok.
Parnoki mapa inyakba anogo ajak nung anüngdang 11:00 ako nungi nikongdang 12:00 ako tsüngda Circuit House, New Cathedral, Kohima nung ajurutsü akok, ta kasa osang ajanga metetdaktsü.