Kma nung Angh Acharya-i Bhandhan bank lapoktsü

Dimapur, November 29 (TYO) : November 29, 2016 nü Nagaland Angh, P.B Acharya-i Bhandhan bank, Kohima branch lapoktsüogo.
Iba bank ya Angami Public Organization building Phulbari, opposite Oking hospital Kohima nung lir.
Sentong nung Angh, P.B Acharya-i o jembidang ashiba agi, tesem ajaklen bank lapoktsüla aser ibaji ajanga nübortem nem teyari agütsütsüla.
Paisa, Bandhan bank ketdangsertem dang Nagaland nung alirtem yaritsü atema bendanga agüja mapa inyaktsü ayongzük.
Sentong nungsa North east zone zonal head, Ranjan Gango Padhayay-i o jembidang, April 2014 nü Reserve bank of India-i Bhandhan lapoktsü temelaba agütsü aser June 17, 2015 nü banking regulators finance nungi temelaba angu, ta ashi.
Bhandhan bank indang public shareholders rongnung international finance corporation tem dena lir aser iba bank ajanga sensotem nem tashishi melii aser jungjunga mapa inyaktsür.