Kma nung Farmers Scientist shisalemsatep

Kohima, March 22 (TYO): Kohima ATMA team den KVK Tesophenyu-i ayongzüka March 14, 2017 nü Kohima district kübok Rusoma aser Tuophema yim na nung Farmers Scientist shisalemsatepba sentong tajung ka kaogo.
Iba sentong nung KVK scientist, Micheal Pienyü (Plant pathology) aser Zhiete (soil science)-i mesen/taartsü nokdangtsü aser naring tou tashidak poktetba nokdangtsü atema ‘neem’ totzü amshitsü ajungshi.
Touphema yim nungi farm school tesayur, Lhoutsolie-ia, atsü nung naringdong 2000 lir aser itemji atemba sülen küm pezübuba nungibo naring atanger, ta metetdaktsü.
Paisa naring atsü nung süngdongtem kümzüktsü atema Bordeaux paste amshitsü atema lemsatep.
ATMA team-isa Rusoma nung FIG Medze Krotho semdang. Iba ya 2016 küm tenteta liasü. FIG nung züngsem 12 lir aser parnoki alo, mendi, leek aser süngmok densema aonsotsü balala tsünür.
Shisalemsatepdang, DDT amshiba ajanga takoksa anguba indang osang tejangja rasaa ashi, iba den külemi bio fertilizer amshitsü ajungshi.