Kma nung ganja seret 100 apu

Dimapur, October 19 (TYO) : October 19, 2016 nü DEF Kohima nungi District Intelligence Branch (D.I.B)-i Khuzama nung garitem mita reprangdang, Maruti gari ka nung ganja seret 100 bena aliba apu.
Maruti car (AS-23D-0755) nung bena aliba ganjaji national market nung sen lakh 5 shi jenjang liasü, ta Sub-Divisional Police Officer (South) & PRO Kohima-i sangdong ka nung metetdaktsü.
Ganja abenerji Dapunü lir aser pa puogo. Pa ya Senapati, Manipur kübok Phaibung Khunou yimer Benjamin’er jabaso ta jangjaogo, ta Kohima Police-isa ashi.
Pa den külemi apuba ganjatemji police ket nung lir aser iba dak sendakba nung Khuzama P.S nung ken o ka benokogo, ta parnokisa shisem.