Kma nung naro show ayonger

Dimapur, April 06 (TYO): Nagaland Flower Growers Society (NFGS)-i April 11, 12 aser 13 anogotem nung The Heritage (Old DC Bungalow), Kohima nung Flower Show den tetoktepba sentong ka ayongzüker.
Sorkar indang tongtibang sentongtem- Republic day, Independence day, Hornbill festival ama sentongtem nung NFGS-i naro sobutsü anepalur, aser Nagaland nung tsünütetba naro tapu balala aika sayatsü den külemi asenoki tsünütetba narotem ajungkettsütsü aser ayoktsü atema iba sentong ya ayongzüker.
Iba dak alia tanga district tem nungia naro tsünürtemia iba show nung shilem agitsü, ta ketdangsertem osang ka ajanga metetdaktsü.