Kma nung National Handloom Expo ayonger

Dimapur, March 02 (TYO): Nagaland Handloom & Handicrafts Development Corporation Ltd. Dimapur-i March 22 nungi April 04, 2017 nü tashi Gurkha panchayat public Ground, Chandmari colony, Opposite Nagaland Govt. Printing Press, Kohima nung National Handloom Expo ka ayongzüker, aser iba ya Development Commissioner (Handloom), Ministry of Textiles, Govt. of India, New Delhi-i sponser asür, ta Managing Director, K. Hokishe Assumi-i tanü sangdong ka ajanga metetdaktsü.
Anungji tejangrar Co-operative Societies, melungtet teloktem, Apex Societies, Self Help Groups (SHG’s)-i office mapang nung Project Cell, NHHDC Ltd, Half Nagarjan, Dimapur nem shilem agitsüpur passport size noksa den application March 18, 2017 nü tashi nungbo agütsütsüla, ta sangdong nungsa shia lir.
Kibong ka nungi mesüra kasa kinüngertemi shilem agitsü atema tenüng agütsütsü makok. Stall angati agütsütsü iba den külemi Lumpsum aser Daily Allowances stall shia nem agütsütsü, ta sangdong nungsa metetdaktsü.