Kma nung ‘public transport vehicles’ tejentem mamshitsü

Dimapur, March 9 (TYO) : Regional Transport Authority (RTA) Kohima-i Kohima Municipal telongtet nung ‘public transport vehicles’ küm 15 ser tematem ajak shilem lemsar agientsü, ta Deputy Commissioner & Chairman, RTA, Kohima, Rovilatuo Mor, IAS-i sangdong ka nung metetdaktsü.
Iba dak sendakba nung April 1, 2016 nungi tenzüka ‘public transport vehicles’ indang license renew asüba noktangtsü aser iba nung heavy/medium/light commercial vehicles ajak dena lir, ta Kohima DC-isa metetdaktsü.
Iba sangdong ya Motor Vehicles Act 1988 nung Arrla 59 kübok agüja aliba public safety nung ajemdaker sangoktsür, ta paisa shisem.