Kma nung Rashtriya Sankalp Diwas aser Rashtriya Ekta Diwas amung

Dimapur, November 1 (TYO) : October 31, 2016 nü Kohima DC indang Conference Hall nung Rashtriya Sankalp Diwas aser Rashtriya Ekta Diwas ayongzüka amung.
Iba sentong ya Kohima District Administration aser Kohima Municipal Council nati külemi ayongzük.
Sentong nung Kohima Deputy Commissioner, Rovilatuo Mor IAS-i Rashtriya Sankalp Diwas (National Re-dedication Day) tenangzükba agidaktsü.
Iba anogomung ya India nung mezüngbuba tetsür Prime Minister, asür Indira Gandhi nem tetushi agüja amunger.
Sentong nungsa KMS Administrator, Kovi Meyase-i Rashtriya Ekta Diwas (National Unity Day) tenangzükba agidaktsü.
National Unity day ya Vallabhbhai Patel nem tetushi agüja October 31 nü amunger.
Iba sentong nung district administration, KMC, Ward/Colony Chairman tem aser yimten teloktem nungi teshimtet nübotem aden.