Kma nung tanur dak tashiyim mapa inyaker ka apu

Kohima, January 30 (TYO): Kohima kübok Midland nung tanur dak ka tashiyim agi shi nung medemba atema tai tonglokja Kohima Women Police-i nisung ka apu.
Iba nisungji Robert Debburman ta jangjaogo aser pai pa kinungtsü’er kinunger ka dak tashiyim mapaji inyak. Tanutsülaji arishi küm 11 tain lir.
January 28, 2019 nü iba dak sendakba ken o ka benokba sülen police-i iba anogo nungsa Robert apu aser tepuokdak yur bushisüngdang südar.