KMC dumping site len gari mesenzüdaktsür

Dimapur, October 23 (TYO): Kohima nung KMC dumping site anasa NH 29 nung anentsüh tulu ka aluba ajanga lenmang nung gari mesenzüteti shibanga lir, ta PRO DEF, Kohima-i metetdaktsü.
Lenmang lapoktsü atema mapa inyakdar saka ano mapang agitsü anungji iba mapa metembang tashi, iba tesem nung gari ka danga mesenzüdaktsütsü. Dimapur aser Kohima tsüngda senzüba gari ajak Jotsoma adena senzütsü aser tanga osang ka mesangdong tashi gari tulutem mesenzüdaktsütsü, ta PRO DEF, Kohima-isa metetdaktsü.