KMC election atema Coordination Committee tentet

Dimapur, December 22 (TYO) : Election tiptema agitettsü atema State Election Commission-i Kohima nung Political Parties aser Candidates len anitsü atema Model Code of Conduct ka yangluogo.
Sorkari December 21, 2016 nü “Election Programme” sangdongba nung ajemdaker Model Code of Conduct tenzüker, ta DPRO, Kohima-i sangdong ka nung metetdaktsü.
Kohima Municipal Council(KMC) Election agitsü aliba nung political parties aser candidates ajaki Model Code of Conduct sülen anidaktsü atema Coordination Committee ka tentetogo.
Iba Coordination Committee nung Convener ji Kohima Deputy Commissioner asütsü aser züngsemtemji Police nung teshimtet nübotem; KMC kübok ward shia nungi GBs; Returning Officer, Kohima; Asst. Election Officer, DPRO, Political Party NPF, INC aser BJP nung teshimtet nübotem asütsü.
Model Code of Conduct dak alia committee-i election timi agitsü atema mapa aser onük atema asoshi inyaktsü.
January 2, 2017 anüngdang 12:00 ako nung “Coordination Committee” indang mezüngbuba senden amentsü. Iba sendenji Kohima Deputy Commissioner indang conference hall nung amentsü. Anungji, bangdakpurtem ajak arua adentsü mepishia metetdaktsür, ta DPRO, Kohima sangdong nungsa metetdaktsü.

You must be logged in to post a comment Login