KMC-i ak metsürtem dang sangdonger

Kohima, September 01 (TYO): Kohima Municipal Council (KMC)-i sangdong ka ajanga, KMC kübok ward/kiyong aika nung ak ki merüka mayuba aser ki temeket nung kisetshiruru metsüdak merüka mayuba ajanga kidang kiyonger nem timtem kanga agütsür, ta metetdaktsü.
Iba dak sendakba nung KMC-i nüburtem dang, tang nungi kisetshiruru metsüba ki aser tesem merüka ayutsüla, ta metetdaktsü.
Ano KMC-isa Panchayats danga item amaji mita reprangtsü aser ozüng alema inyakertem nem temerenshi agütsütsü atema Administrator, Kohima Municipal Council nem osang metetdakjang, ta mepishia metetdaktsüogo.