KMC ketdangsertemi chiyungtsü mita ao

Kohima, Mongputeni/October 12 (TYO): Mongputeni/October 11, 2018 nü Food Safety Officials den Kohima Municipal Council ketdangsertem senteper chiyungtsü ayokba dokantem mita ao, ta Chief Medical Office & Designated Officer, Kohima, Dr. Ritu Thurr-i sangdong ka ajanga metetdaktsü.
Mita aoba mapang nung chiyungtsü karbo ‘Best before date’ anogo süir liasü aser item chiyungtsüji P.R Hill, Kohima nung aliba M/S Best Bakery nungi apu.
Iba dak sendakba nung Food Safety Regulators of Kohima District-i nüburtem dang iba maparen nung shilem agitsü, aser chiyungtsü dak sendakba tashishitsü ken o Designated Officer (Chief Medical Officer), Kohima nem metetdakjang, ta metetdaktsüogo.
Iba dak alia Colony Panchayats/Youth Organisations-ia pei kiyong nung longjemer mita onüra Chief Medical Office & Designated Officer den shidi ajanga metetpelatsü akok, ta kasa sangdong nung shia lir.