Knightley-i ‘Catherine the Great’ film nung shilem agitsü akok

Los Angeles, February 19 (Agencies): Hollywood actress, Keira Knightly-i ‘Catherine the Great’ film nung shilem agitsü asoshi film yanglur den jembiteptsü tenzükba osang ka The Hollywood Reporter-i metetdaktsüogo.

Russia chubatsür, Catherine taküm otsü nung ajemdaker yanglutsü renemba ‘Catherine the Great’ film ya Barbra Streisand-i yanglutsü renemba osanga jangjaogo.

Mejangjatetba nisung kari Russia chuba, Peter III tepsetba sülen Catherine-i lar kinüngbo melenzüka Russia chuba menden abentsü maongka angu aser lai küm 34 tashi yimsü asüdang lar Russia tamaren yimli ka kümdaktsü.

Ajisüaka, ‘Catherine the Great’ film ya alima dang kodang sayatsü iba osang tang tashi alima dang metetdakja mali.