KNSK Kohima Unit lokti senden menogo

Kohima, June 24 (TYO): Honibarnü Konyak Nyupuh Sheko Khong (KNSK) Kohima unit-i senyur, Khango Konyak’er kidang 21buba lokti senden ayonga amen.
Iba senden nung jembidang NPSC mendenbuba, A. Yanang Konyak-i akhidang lokti nung temenen mapatem benshia tetsürtem nem parnok temeten magütsüi parnok anema jenti benshiba indang bilemteta jembi.
Paisa, tetsürtem melung illa aliba mapangtu tembangogo, anungji tsüraburtemi jalatem nem security agütsütsüla, iba den külemi tetsürtem nem lenla ajak nung kasa maongka agütsütsüla, ta metetdaktsü.
Yanang-isa, putu mapang melenshiba den külemi tetsürtemi kanga junga inyaktetdar, anungji KNSK-i parnok chirnurtem ajungshitsüla, ta ayongzük.
Ano Manngam C.L John-ia state yimtiba, Kohima nung alir Konyak nunger kanga junga leniba atema Konyak tsür lenirtem nem tenüngsang agütsü.
Laisa tsüraburtem dang Konyak nunger lanurm ajungshia parnok chirnurtemi tetoktepba tatidang balala nung takok angutsü atema ajungshitsü ayongzük.
Tanabuba sentong nung office ketdangpur tasentem shimok aser lokti osang balala agütsü.
Ketdangpur tasentemji Tir, Lemnon aser tongti tezülur, C.N Moe nati anitsü.