Koch Rajbonshi-i Sep 12 nü Assam mokdangtsü

Guwahati, September 10 (Agencies): Koch Rajbonshi Sanmelan-i September 12 nü ghonda 12 Assam mokdangtsü ayongzükogo.
Iba sentong ya Bireswar Saikia aser Durlabh Samua nati aniba KRS teloki ayongzüker.
Assam indang final NRC nung Koch Rajbonshi nunger lakh 5 dak tema mali ta tai tonglokja Sanmelan-i ashishir.
NRC maparen anema noktakba sayua Brihostibarnü lungkak aitba sentongji agitsü, ta tanü Dispur Press Club nung osangbener dang ashi.
September 12 anepdang 5:00 ako nungi nikongtsütsü 5:00 ako tashi mokdangtsü.
Goalpara, Kokrajhar, Dhemaji, Bongaigaon aser Udalguri nung Koch Rajbonshi nunger teimba ka final NRC nung züngdokogo, ta Saikia-i ashi.
Guahati High Court-i mokdangba sentong mayongtsü tetuyuba agüja liaka parnoki iba sentong ayongzükogo.
Final NRC nung ozüng alema arur aika züluoka lir ta Saikia-isa ashi.
BTAD areas nungi Koch Rajbonshi nungertem tenüng züngdoktsü atema yimtenren tasa ka atonga inyaker, ta paisa aitsü.