Kodak-i 21MP camera aketba Ektra Android Smartphone saya

New Delhi, October 23 (Agencies) : Photography company Kodak-i Ektra ta ser smartphone tasen ka sayaogo aser iba phone tereprangtsüji camera mesüka lir.
Taoba mapang IM5 ta ser smartphone ka saya liasü saka iba phone yagi takok monguteti anena liasü.
1941 rangefinder aser 1970s 110 film camera range nüngtem nung Kodak-i iba smartphone dang Ektra ta ajar aser phone tesülenji “leatherette” agi alepbanga lir, ta Engadget ajanga metetdaktsü.
Ektra ya taküm December ita nungi Britain nung sen 450 pounds ($550) yong ayoktsü aser smartphone nung lens adoka lir aser 21MP Sony sensor (IMX230) keta lir.
Kodak-i iba smartphone yanglutsü atema Bullitt ta ser phone yangluba company teyari agi aser smartphone nung enoka aliba camera app nung “Scene Selection Dial” ta ser enoksema lir.
Bullitt-i default photo-editing app atema Snapseed enokja lir aser iba ya Play Store nung app tajungtiba ama parnoki bilemer.
Ektra phone nung deca-core MediaTek Helio X20 processor aser RAM 3GB keta lir. Phone nungsa internal storage 32GB lir aser ibaji MicroSD card ka ajanga 128GB tshi ulutettsü akok.
Inch 5, 1080p display aketba phone nung Android 6.0 Marshmallow amshir aser “Pump Express” quick charging aliba 3000mAh battery enoka lir.