Kodak-i India nung HD LED TV kar sayaogo

New Delhi, August 11, 2016 : Noksa dak sentakba oset yanglur company, Kodak-i Noida nung amenoka aliba Super Plastronics Pvt Ltd (SPPL) den lokteper tanü, Brihostibarnü nungi TV market nung shilem agitsü tenzüka HD LED TV pongu sayaogo.
Item 32-inch, 40-inch aser 50-inch TV jenjang sen 13,500 nungi tenzüka angutsü. Item TV series alirtemi, August 15, 2016 nü nungi e-commerce sabang Shop Clues, Flipkart aser Amazon ajanga alitettsü, ta company sangdong ka ajanga metetdaktsüogo.
Tang sayaba TV rongnung smart HD LED TV model asem nungbo Wi-Fi aser ARM Cortex A7 processor keta lir aser Android version 4.4 agi mapa inyaker.
TV tem nung noksa junga angutsü atema ‘Progressive scan’ aser ‘YPrPb resolution’ features keta lir aser milliseconds ti tsüngda nung noksa melentepa reprangteter.
Ano asenoki TV nung talila kar mesenloka reprangnera, ibaji atema HDMI, USB aser VGA ports inokja lir.