Kodak Tenyar-i Alokba tang asüngdanger

 

Tenyar             : Hai Alokba ner Naga nunger ya koba tamang yimsü ka amanger’ar shiangjong ???

Alokba             :            Waamaaa… Tenyar ozü Naga nunger ya oagi America lima nungi Dr. Clark-i bener aruba Khristan yimsü agizüka amanger joko küm noklang ana jungdi asür aja ya…. joko limapur azü-jang kata mali ako….

Tenyar             : Eeeesssh… Alokba ner Naga  nunger ya  revival-a sashi sashia akar, Deobar devotional sentep-a longso longsoa senteper, Christmas benjong-a melem-melema amonger, saka Hindu nunger benjong nung kaket bomb-a ner Naga nungeri-sa teimba apoker…. Ano tawa tanü nungi ka “Heraka” ta-ser tamangba yimsü lenir ka Rani-la kürak  monument  &  memorial hall  yanglutsü  ta-sa  angazüker… ya  kechi  sayatenyar akaa ???

Alokba             : Oooooaaaah… kecha tesdngmangtsü mali, “Heraka ” yimsü lenir Rani-la  nüngdem nungji Centre sorkari sen crore aika agütsütsü  ta asür, ibala sen crore osang jagi yimsüsur ajak mangmangdaktsür aja… BJP sorkar yimsüsuba mapang nung ya aoksaa ka kibong shia sen lakh ka-ka lemtsütsü’ar Khristan yimsü ya  toktsür Hindu yimsü dangi meyipang ta ashi nungbo, ashiko manger-mesangwa nung Naga nunger Khristan ajunga ya Hindu yimsü dangi meyiper alitsü nung koda…  Koda taoba ita ishika tejaklen-a Deobar anogo nung Yoga Day amongba tu mamai lir südi…. Northeast state ajak nung iba anema ola adok aser mamong, saka asenok dang among. NDA sorkari sen magütsütsü tsübur sülabaa….

–          L. Kika Pongener, Aoyimküm,Dimapur.