Kodang mangateti kümdaktsür

Aser Simoni ashi, Kibuba ammang tepiyong onoki inyak aser kecha mangu, saka nai ashiba ama ni zütsük aontsü. – Luke 5:5
Iba yagi Peter nem kechi tangatetba agütsü. Pai aonung ango apu kechiaser aonung ango tzümai adoker. Kodang anü adoker, ango tzü telungleni luadoker. Saka asenok aikati meinyakba Peteri langka inyak. Yisui ashiba nung kecha tangatetba ka meliaka Peteri Yisui ashiba inyak. Yangi tajungtiba shilemji lir. Peteri tashi angaba ajanga sempet tulu agütsü – aonung tepiyong ango pur kecha mapuba mapang tatsü ka nung rong ana sünga ango apu.
Tanüa Yisui na aser ni nungi kasa tashi angabaji imlar. Kodang Pai asenok den jembidir, Khristan ka ama asenoki Pai ashiba anidaktsüla. Tanü Yisui asenok den shi temang asenok külemi mejajar asünung, Pai jembiba angashitsü tera tasak asütsü. Asenoki nendaka Pa O azüngtsüla aser sarasadem nung mapang endoktsüla. Asenoki ano Pa Tanelai aniba angatetta alitsüla. Ken ken Pai ayimtena jembitsü akok saka mapang timba Pai ola tanük agi jembir. Pai Peter dang inyakba ama asenok anogo shia nüngdak Pai agütsüner, saka asenoki Pa dang angatsüla aser tashi angatsüla.
Kibuba, Nai moatsütsü nangzük nung ni Ne tenüng asanger. Ne Tanela dang angashia kü nem tenarong agüjang, ni tamang katetta alitsü yariang.