KODH foundation day April 16 nung amungtsü

Kohima, April 15 (TYO): Kohima Orphanage & Destitute Home (KODH)-i parnok indang 44buba foundation day April 16, 2017 nikongdang 2:00 ako nungi Kohima nungi kilometer 5 pilar aliba KODH nung amungtsü.
Tang KODH ya asür Zaputuo’er jala, Neibanuo-i achaayanga repranger.
KODH tentetsang aser KODH Tir, Ama Zaputuo-ü Angami 2011 küm March 24 nü arishi küm 89 alidang alima nungi pilaa liasü.
Asür Zaputuoü Angami-i mangdang tajung yur Kohima Orphanage and Destitute Home (KODH) ya 1973 küm tenzük aser la asüba anogo tashi (küm 38 tashi) iba home ya achaayanga liasü.
Iba dak sentakba nung KODH-i temeimer ajak dang iba foundation day sentong nung adentsü pelashishia jaokba den külemi tamang sarasadem aser aser senotsü tenla agi KODH yarir ajak dang pelaba metetdaktsü.