Kohi-i Cricketer of the Year sempet agizüker

Mumbai, January 05 (Agencies): India Test captain, Virat Kohli-i Cricketer of the Year sempet agizüka Polly Umrigar Trophy tanü Mongolbar nü agizükogo.
Board of Control for Cricket in India (BCCI)-i taoba wicketkeeper, Syed Kirmani nema Col. CK Nayudu Lifetime Achievement Award agütsüba osang jangjaogo.
Tanü agiba BCCI Annual Awards 2014-15 sentong nung BCCI Tir, Shashank Manohar-i 1983 World Cup takok marok agizüker telok nung züngsemsang, arishi küm 66 tain Kirmani nem Lifetime Achievement sempetji amoktsüba den külemi, Kohli nema Polly Umrigar sempet agüja liasü.
Kirmani-i kulikaket, takok marok aser senpet sen lakh 25 agizüka liasü.